Ligji i Katërt
Ligji numër katër i djallit thotë:
mos u gjunjëzo para askujt.
Ti je më i fortë se frika që të sheh nga lart,
më i drejtë se hija që kërkon të të ulë.
Respekto sa i takon,
fjalën, kufirin, njeriun,
por mos e fal kurrë shtyllën e shpinës,
se krenaria që thyhet
u mëson të tjerëve si të të shtypin.
Mos kërko tempuj për t’u përulur,
muret janë të ftohta,
dhe lutjet shpesh bien mbi gur.
Dil në natyrë
aty ku mali s’ka altar,
dhe era s’të pyet kush je.
Qëndro drejt nën qiell,
me rrënjë në tokë, me ballë nga drita.
Kush s’u përkul kurrë pa arsye,
i bën të tjerët
të mësojnë respektin
pa e kërkuar me zë.
Migel Flor
